مستغرب من اللا إنسانية اللي في كل مكان حواليك؟
مستغرب من الأم اللي بتقتل ولادها وترميهم في اكياس قمامة في الشارع؟
مستغرب من الأب اللي بيقتل ولاده؟
مستغرب من اللي بيدهس واحد أو واحده بالعربيه ويجري؟
مستغرب من البنت اللي بتستدرج خطيبها علشان والدها يقتله ويدفنه في شقة؟
متستغربش. دي النتيجة الطبيعية لفقدان الإنسان لإنسانيته. طيب ايه الحل؟ في أمل؟
ربنا جاوب على السؤال ده من اكثر من ألفين سنه.. ربنا شاف كم الشر واللا إنسانية اللي احنا وصلنا له وجاء وصار بشرًا وحل بيننا.. علشان يرد لينا إنسانيتنا في صورتها الأصلية قبل التشوه والقبح وفقدانها لكل ملامحها
يسوع المسيح صار بشرًا علشان لما نمشي في خطاه ينفع نكون بشر من تاني
انا معرفش أي أمل تاني